The kurgans of the 4th millennium BC from the Kura-Araxes period in Uzun Rama

Uzun Rama İlk Tunç Dövrü kurqanaltı sərdabələri uzunmüddətli dəfn həyata keçirilməsi üçün inşa edilmiş, yarımköçəri həyat tərzi keçirən maldar tayfa üzvlərinin dəfn edilməsində istifadə edilib. Kurqan kameraları əsasən düzbucaqlı formada, nadir hallarda isə dairəvi formada hazırlanmış, üzərləri ağac tirləri ilə örtüldükdən sonra isə torpaq qatı və çay daşları ilə möhkəmləndirilmişdi. Kameraların yan tərəfindən giriş qapıları qoyulmuşdu. Dəfn kamerası dolduqdan sonra dini inanclara uyğun olaraq onlara od vurulub yandırılmışdır. Kurqan kameralarından dulusçuluq nümunələri, kömürləşmiş taxta vaza qalıqları, sümük iybaçları, muncuqlar və parça qalıqları aşkar edilmişdir. Antropoloji araşdırmalara əsasən, bu tip kurqanlarda yaş məhdudiyyəti olmadan onlarla, bəzi hallarda isə yüzdən artıq insanın dəfn edildiyi müəyyən olunmuşdur.